السفيــــــــــــــــــــنة :

ادى عزيز علي هذا المقال .. و هو يبين حالة العرب و كأنهم في سفينة تشرف على الغرق .. بسبب قبطانها الذي لا يحسن التصرف و ترك السفينة للرياح هي التي تتحكم بها
و كل همه هو مصلحته فقط ...




يا عرب كثروا الملاليح ...و سفيتنة غرفة ماي
فوكاهة معاكسنة الريح ...و ذاك الموج اللي يطوي طي


يا اهل الافكار حالتنة عدم في عدم .... ناحرنة تيار سايكنة و الاسوك الغنم
من هذه الاخطار لو نسلم يا اهل الرحم .....ذولة الملاليح لابد ما نــحاسبهم
سلموهة للريح جنه مو سفينتهم ..... بس بالتصاريح اقبض من دبش عنهم
و من صار ما صار ما حركوا قدم عن قدم



يا ناس و كعنة بسويرة .... و دخنة و ضعنة يهل غيرة
الغربي مكوعنة بحيرة ...و الشرقي ثابرنة ثبيرة
و هل روج الماخذنة كثيرة .. من كل صفحة ومن كل ديرة
كل هاذي الاحوال بجفة ...و موقف الملاليح بجفة
جازوا كلهم من الدفة ... و كل واحد صار بفد راي
خايف توكف عدنة الزفة .. و يمشي من جوانة الماي
حرنة و ضيعنة التدبير ... و من يدري باجر شيصير ... الله العالم هو الحي



السفينة مو راح تغرك .يا ربع .... و احنة هم زادتنة الرياح ضيم و ذل
عذاب و الم شيفيد الصياح شيفيد الالم و الندم ... يا عالم الداد
طرشة ملح طرشتنة .. من العنب عاد جزنة نريد سلتنة
و حك رب العباد بس تخلص سفيتنة
لنصلح اصلاح و نسيس الربع بالبلم



يا ناس بليتنة بلية ..سودة مصخمة صخام و لية
السفينة بلية طارية .. و الشراع اللي بيهة عارية
كلمن ديدكله اخش علية ..
كل واحد مشغولة بشغله .. خبز مامن جوة السلة
هو لازم بيديه حلة .. كاعدلك مرتاح اللبال
شيهمه من العالم كله .. و حمل من هل مال جمال
غركت لو غربت بالقير .... ما عنده بعير بهل عير
خل ياخذه الدينة المي



ممتحنين بهاي المحنة .. لا للنار و لاللجنة
منا الشرقي مهددنة ... و منا الغربي معكاسنة
و لا عدنة جناح نصير احنة .. وين نولي و ننطي وجهنة
هو الخابر حيدبرهة ... شوكت ما يريد يغركه
وصلت حده و من شدته .. اختتكت و انحسبت الانفاس
ضاكت كون الله يفرجه و يجب الراس عالراس
يا عالم كل حال يزول .. ما تظل هيجي مو معقول
و اخر كل العلاج الجي ..

شكرا لكي موضوع جميل جدا

شكرا لكي

شكرا لكى
لمرورك نورتى اختى

شكرا حبيبتي